[justify]أصحابي,الغاليين
بفتح شباك غرفتي الصبح اللي بتطل علي حديقة بيتنا
لقيت العصافير صاحيين بدري
النسيم هنا وهناك,شجرالليمون بتاعنا ماله ريحته حلوة ومطلع براعم صغنونة بيضاء
الرياح شغالة مرة بقوة ومرة برقة تاخد حبوب الطلع من شجرة لشجرة,
النحل زاد نشاطه علي غير العادة,,
قولت فيه إيه؟؟
أتاري هو يا جماعة
ظهرت بشائره
دقت طبوله
إنه الربيع
ايوة الربيع
خطرت في دماغي فكرة
انتهز الفرصة ,بما أنه خلاص احنا في أوان الورد
يبقي احنا في أوان الحب
وقررت ياحبايبي ,اخدكم لدنيا لونهابمبي
وعالم تاني
هنتكلم هنا عنه حديث اليوم وإمبارح وبكرة اجمل واحلي وأرق
شعور ممكن تعيشوه هنتكلم هنا عن الحب
هنتكلم في كل حاجة عنه,
هو إيه؟مشكلاته,,؟
ما له وماعليه,هناقش معاكم
وأسمعلكم وأديكم خبرتي ومشورتي,
افتحوا القلوب,طلعوا حكاياتكم ,تساؤلاتكم
وأنا هنا معاكم ,هنحكي ونقول ونسمع بعض
هنتكلم ونتشاور ونتفق ونختلف وننصح بعض
هقول وجهة نظري ,وهسمع وجهات نظركم
عاوزة أعرف ليه كل جرائم الأنثي ملقاة علي عاتق الحب,,!!
عاوزة أعرف ليه لو غلطنا بنغلط بأسم الحب,,,!!!
عاوزة أعرف ليه بنزعل ربنا ونغضبه مننا برضوا بأسم الحب,
هخليكم تتكلمو برااااحتكم
وتناقشوني ,في أجمل وأروع الأحاسيس
هلمس مشاعركم ,,وأطبطب عليكم لو إنجرحتوا بسببه
أنا معاكم ,,وليكم ,وبيكم الموضوع هيبقي أحلي أكيد
بس يارب الأدراة تثبت الموضوع
عاوزة أكبر شريحة تتكلم ونسمعها
البنوتة المراهقة اللي لسه بتخطوا أولي خطواتها وخايفة ومش عارفة إيه ده وتتصرف إزاي
الأنسة الناضجة
والمدام المتزوجة, والشاب المراهق
والشاب الناضج
والراجل المتزوج
كلنا ف الأخر منقدرش نتنفس بدون حب
منقدرش نعيش بدون حب
تجربة لطيفة ودمها خفيف,وعندي خبرة وتجارب هحكيلكم
وهقولكم وهفيدكم ,وهسمع منكم وبرضوا أكيد هستفيد
وعشان العملية متبقاش بايخة والموضوع يستطيل أكتر من اللازم ونتوه فيه
قررت,,
اني كل يوم ان شاء الله في الصفحة الأخيرة هكتب حاجة جديدة أو تجربة جديدة,أو وجهة نظر في موضوع
بس كله يصب في بوتقة واحدة وموضوع واحد هو الحب
سواء وافقنا
سواء رفضنا
سواء تساهلنا معه
سواء تشددنا وواجهناه
برضوا لا ننكر وجوده وأثره
تقبلوا حبي وتقديري وبتمني ياااااااارب كلكم تكونوا دائما في حالةحب
هو وقته
هو اوانه
هو موضوعي اللي اخترته رغما عن انفي اناقشه معاكم
خلوها جولة,,في عالم ملمسه حرير
ورائحته نسيم عليل
وشفافيته زي الدانتيلا
مستنياكم,,
شجعوني وهبدأ أولي خطواتي وأولي موضوعاتي عن الحب
معاكم
بس شجعوني
يلا نخلي كل شهور السنه ربيع وحب في حب