تسونامي من النكت في الثورة المصرية

تسونامي من النكت في الثورة المصرية




ومن هذه النكات:

ـ عقد الرئيس مبارك جلسة عاجلة مع وزير الداخلية السابق حبيب العادلي وقال له: منعت الحشيش يا فالح اهو الشعب فاء (استيقظ).

- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي.

ـ تم الكشف مؤخرا عن برقية كان اوباما ارسلها في الرابع عشر من كانون الثاني الماضي للملك عبدالله تتضمن عرضا حصريا: استقبل (زين العابدين) واحصل على (مبارك) مجانا.

ـ محشش يفكر بالسياسة قبل 25 يناير ويتساءل: ليه رئيس الجمهورية اسمه مبارك والشعب منحوس؟ ليه رئيس الوزراء اسمه نظيف والتلوث قاتلنا؟ ليه رئيس مجلس الشعب اسمه سرور والغم راكبنا؟ ليه وزير المالية اسمه غالي والشعب رخيص؟ ليه وزير الداخلية اسمه العدلي والشعب مظلوم؟ ليه وزير التربية والتعليم إسمه زكي والعيال اغبياء؟

- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.
- واحد لقي الفانوس السحري وفركه، طلعله العفريت وقاله: شبيك لبيك تطلب إيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

ـ مكاسب الثورة المصرية: اقالة الحكومة الاردنية، رفع قانون الطوارئ في الجزائر، اعلان الرئيس اليمني عدم ترشيح نفسه للرئاسة، قمع الشعب السوري قبل ما يفكر يثور، وبقاء الرئيس المصري ولا كأن حاجه حصلت.

- 'بلطجي' لقناة العربية: العيال بيرموا علينا قنابل "بلوتوث".

ـ مبارك صحي من النوم مرعوب ويصرخ: أعوذ بالله ..... كان كابوس فظيع!! سألته سوزان: خير اللهم اجعله خير؟

قال: شفت قدامي لوحة مكتوب عليها ابتسم!

قالتله: ده مش كابوس لأن الابتسامة فال خير.

رد حسني وقال: دا كان مكتوب عليها ابتسم فأنت في جدة

- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.

قام متظاهر بحمل لافتة كتب عليها كلمة إرحل باللغة العبرية يوجهها لمبارك وسطر تحتها عبارة (إرحل بلغة حبايبك)

ومن الشعارات التي ظهرت في ميدان التحرير:

- رابطة نجاري مصر يسألون الأسطى مبارك: ما نوع الغراء الذي تستخدمه؟

- ارحل.. الولية عاوزة تولد والولد مش عايز يشوفك.

- ارحل عاوز أتجوز.

- ارحل مراتي وحشتني.. متزوج من 20 يوم.

- ده لو كان عفريت كان طلع.

- لو ما استحمتش النهاردة في بيتنا.. هاستحمى يوم الجمعة في قصر الرئاسة.
تسونامي النكت الثورة المصرية تسونامي النكت الثورة المصرية [b]

يا جااااااااامددده
حلوييييييييين قوووووووووووووووي

ههههههههههههههههههههههههههههههههه

<<< فاااطس ضحك

ههههههههههههههههههههههههه
مش قدر اكتب شي من الضحك
ههههههههههههههههههههههههههه
ههههههههههههههههههههههههه

‏ ميرسي

ههههههههههههههههههههه
أحدث نكته
مطوتك فى جيبك ..
جزمتك فى إيدك ..
غبائك فى راسك ..

اللى يقولك شرطه
.........
v
v
v
v
v
v
v
v
v
v
v
v

*_^ قوله تحريــــــــــر

يا جماعه من النهارده لازم نكون ايد واحده
مفيش انقسام
مفيش تفرقه ..ايد واحده
مفيش زملكاوى
مفيش اسمعلاوى
...مفيش بورسعيدى
كلو اهلاوى
هههههههههههههههههههه

لانى أعرف انك أهلاوية