قصيدة موضه الحب

قصيدة موضه الحب

بحر الهوى ياويله اللي يخوضه
غدى جهنم.. عقب ماكان روضه

يعني من الاخر وزبدة كلامي
طبع الخيانه صارت الحين موضه

واللي غدى عاشق وبار بحبيبه
قيرل الفرند الحين فرض بفروضه

هيهات لو ندري عن اللي مخبّا
والله..لتغدي الناس في حاله فوضه

ماهو الشباب وبس.. لي صار يغدر
حتى البنات الحين صارن عروضه

وبدال ماتعشق لها اللي تحبّه
صارت تباها بالفرند ونهوضه

تلعب على الحبلين في وقت واحد
وان غارها واحد .. بغيرة تغوضه

تقول والله عاد عندي ربيعي
غيرك عشاني يدبل اعلى قروضه

وحليلها تفخر بهذي السوايا
ماتدري ان افعالها في نقوضه

وابسط مثال ان قلت ليش الخيانه ؟
قالت شرات اريام واروى وروضه

ماني بناقص عنّهن ياظنيني
ولاهن اغلى من هواي وحظوظه

والبنت ماتقنع برجّال واحد
لدغه وحيدة ماتسد البعوضه

قلت الا ونّعم.. عاد تفكير باهر
بس اسمحيلي صار عندي حموضه

يكفي دخيلج ماقدرت آتحمل
عفت الهوى .. يوم انه الغدر موضه

وخلي الهوى للي شراتج ومثلج
والخاسر اللي فيكم.. الله يعوضه

قوييييه الكلمآاات

عوآفي ملآك ع الطرح المميز

مرسيييييييييييييييييييييييييييييييييي خيووووووووووووووووووووووووووووووووو الله لا يحرمنييييييييي من طيبت قلبك