كيف تحفظين إكسسوارتك وأشياء أخرى بطريقة مرتبة

[size=21]طبعاً احنا البنات كل وحده عندها اكسسوارت وعطور وساعات وشغلات كثيره

بس احياناً يكون المكان صغير مو احياناً إلا غالباً وعلى شان نستغل المساحات اللي عندنا

فكرت ومخمخت مثل ما يقولون وحبيت تشوفون شلون رتبت اغراضي

كان اكثر شي يضايقني الاكسسورات اذا بــ طلع او في مناسبه او شي اتأخر عشان ادور اللون المناسب

وخصوصاً كنت حاطتنهم بأكثر من علبه وفوق بعض

يعني لين جيت بدور يبى ليي ساعه على الاقل

فكرت وطلعت عندي جم فكره ..

اول شي .. الاكسسوارات حطيت بدرج التسريحه اكبر درج خصصته لللإكسسورات

شوفوا شلون

انا سمعت ان فيه مقسم الادراج ورحت دورت في النت صوره له

لان مادري وين يبيعونهم وانا بحاجه لان ارتب بها الوقت

وشفت هذه الصوره

[ندعوك للتسجيل في المنتدى أو التعريف بنفسك لمعاينة هذه الصورة]

قلت يا الله طريقته سهله بحاول اسويه ضبط اوكي ما ضبط يكفيني شرف المحاوله

وسويته والحمدلله طلع شكله مو بطال يعني يمشي الحال على ما احصل وين يبيعونهم اهم شي تصير اغراضي مرتبه وتحت عيوني اذا بغيتها

المهم شوفوا الصوره

طلع بهذا الشكل

[ندعوك للتسجيل في المنتدى أو التعريف بنفسك لمعاينة هذه الصورة]

طبعاً استخدمت ورق مقوى كارتون وغلفته من برى بقماش حرير

وحطيت الإكسسوارت وبهذه الطريقه صاروا قدام عيوني وسهل آخذ اللي ابيه

وهذه صوره ثانيه له

[ندعوك للتسجيل في المنتدى أو التعريف بنفسك لمعاينة هذه الصورة]

في طريقه ثانيه سريعه للي ما تقدر تسويه او ماعندها وقت ممكن تستخدم السلال الملونه الصغيره او حتى بوكسات صغيره تفي بالغرض

[ندعوك للتسجيل في المنتدى أو التعريف بنفسك لمعاينة هذه الصورة]

مكن تحطين الروجات والكلوسات في سله والاكسسورات في سله وعلب طلاء الاظافر في سله او مكياجك اليومي في سله

والساعات انا خليتها في لفافة كارتون قويه واستخدمت الخاصه بالقصدير "الالمنيوم"بعد ما خلص طبعاً حتى اختار بسهوله الساعه المناسبه

[ندعوك للتسجيل في المنتدى أو التعريف بنفسك لمعاينة هذه الصورة]

وحلق الاذن فيه نوعين نوع طويل ونوع قصير

النوع الطويل جبت كوب

جيبي اي نوع من الاكواب بس يكون طويل وعريض وصفي عليه حلق الاذن بترتيب كل وحده ومعاها اختها بهذه الطريقه

وحطيه على التسريحه

[ندعوك للتسجيل في المنتدى أو التعريف بنفسك لمعاينة هذه الصورة]

وبهذه الطريقه تختارين بسهوله وبدون عوار راس بدل ما يتشربكون ويضيع وقتك عليهم

النوع الثاني القصير

[ندعوك للتسجيل في المنتدى أو التعريف بنفسك لمعاينة هذه الصورة]

جيبي اي علبه فاضيه اهم شي يكون فيها فلين او اسفنج انا اخذت علبه عندي مالت اقلام هذه يجي فيها قلمين

حطيت فيها حلق الاذن الصغير بهذا الشكل ارتب واحسن

وهذه صوره عن قرب

[ندعوك للتسجيل في المنتدى أو التعريف بنفسك لمعاينة هذه الصورة]

والخواتيم جبت حلق كبير من اللي عندي ودخلت الخواتيم فيه بهذه الطريقه

[ندعوك للتسجيل في المنتدى أو التعريف بنفسك لمعاينة هذه الصورة]

وممكن تعلقينه او تحطينه في الدرج وبهذه الطريقه يسهل الوصول الى كل الخواتيم

وكلبسات الشعر عندي كميه كبيره وتشغل مساحه فـ حطيتها على عمود التسريحه صفيتهم بالطول بهذا الشكل

صورت لكم جزء منها

[ندعوك للتسجيل في المنتدى أو التعريف بنفسك لمعاينة هذه الصورة]

والمكياج من كثر اللي عندي ومن حبي له في كل درج عندي شوي

عاد اذا جيت بحط مكياج احوس المكان حوس

لحد ما اخذت هذه الشنطه ولميت فيها كل العده

وحبيتها لانها عمليه

[ندعوك للتسجيل في المنتدى أو التعريف بنفسك لمعاينة هذه الصورة]

وحطيتها تحت التسريحه والحلو فيها انها تنقفل عن المتطفلين

وهذه شكلها اذا انفتحت

[ندعوك للتسجيل في المنتدى أو التعريف بنفسك لمعاينة هذه الصورة]

اللي عندها مكياج واجد تاخذها واللي ماعندها الا شوي ماليها داعي

عطوري صفيتهم بصينيه وحطيتهم على طاولة التسريحه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

هي طبعاً ما كفت كل العطور خليت شوي على جنب لكن عطت مظهر حلو ومرتب

وعندي عطور صغيره مركزه حطيتهم بصندوق صغير مفتوح وخليتهم جنب الصينيه هذه نسيت ما صورتهم

وبس خلص الموضوع ان شاء الله يكون خفيف عليكم مو ثقيل وان شاء الله يكون عجبكم واستفدتوا منه

[/size]

[ندعوك للتسجيل في المنتدى أو التعريف بنفسك لمعاينة هذه الصورة]

مشكورة يا عسل على الجمهود الرائع

أتمنى لك التقدم المستمر والأبداع الدائم

دمتي ودام نبض قلبكي

مع تحياتى وودى وودودى لك

أختكي ناتاشا

[ندعوك للتسجيل في المنتدى أو التعريف بنفسك لمعاينة هذه الصورة]

مشكوره يا قمر على الاطلاله الرائه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» انسحاب عبد العزيز مرة أخرى...ورولا سعد تتدخل مرة أخرى
» كيف تحفظين نفسك من سرطان الثدى؟
» كيف تحفظين نفسك من سرطان الثدى؟
» أزالة المكياج بطريقة طبيعية
» حسن يوسف : سأحلق لحيتي إذا اقتضى التمثيل ذلك ثم أطلقها مرة أخرى << ؟؟