الحلقة الثانية (اللى ملهومش فيها مع المنتخب الوطنى)

وتانى حلقة باسم

اللى ملهومش فيها مع المنتخب الوطنى

وبردوا ضيوفنا سيد وسعيد

سيد:أنا رأيى أن منتخب مصر دا أحسن منتخب فى أخر 10 سنوات

سعيد:ليه بقه يا ناصح

سيد:علشان الإنجازات يا جدع مش كل فرقة بتقاس باللى عملته

سعيد:تصدق بدأت تفهم

سيد:أمال أنت فاكر ايه يا جدع مش منتحب مصر دا اللى حصل على لقب بطولة الكونفدرالية

سعيد:صح يا معلم وراح اليابان مرتين

سيد :لأ يا عم راح مرة واحدة بس

سعيد:لا يا عم أنا متاكد راح مرتين بأمارة ما خد البطولة تانى مرة كنا لابسين أحمر كمان اللى راح مرة
واحدة الإسماعيلى

سيد:يمكن أنت برده تعرف عنى يا سعيد أنت فاكر بقى لما لاعبنا برشلونة كان ماتش نار

سعيد :برشلونة مين يا عبيط أنت قصدك مانسيستر يونايتد

سيد:يا عم مش فارقك أنا قصدى على الفريق اللى كان لابس أصفر

سعيد:أيوة مانسيستر

سيد :ايوة كان ماتش نار جبنا جون فى الدقيقة الأولى ومتحسبش

سعيد: ليه بقه يا ناصح

سيد:أصل الحكم كان ناسى الصفارة ودخل جابها بعد الجون

سعيد:ياه دا كان ماتش نار فاكر الواد رونالدو كان بيلعب ماتش نار

سيد:أيوة كان مولعها بس لو كان معاه كارلوس كانت أتضبطت

سعيد :أو و كانوا جابوا دروجبا ياه كنت تبقى مولعة

سيد:وهيا الإنتر هترضى تديهم أبو ركبة إعارة

سعيد:بتحصل يا عم مش فاكر فى ماتش الكاميرون من سنتين أستئذونوا ليبيا فى حسام حسن

سيد :ما علينا أنت أيه رأيك فى الكابتن حسن شحاتة

سعيد:المعلم استاذ بس ناقصه 2 لا عبيه مش عارف ليه مبيضمهمش

سيد:مين اللى ناقصه

سعيد: نفسى يجيب ديفيد فيلا وكمان جاتوزوا ويجنسهم ويلعبوا معاه بأه

سيد:مين دول يا سعيد بيلعبو فين

سعيد:أما أنت عبيط عبط ديفيد فيا ده أحسن مدافع فى العالم بيلعب فى البرازيل وحصل على لقب هداف الدورى الإمراتى 3 مرات على التوازى

سيد :ياه طيب وجاتوسوا

سعيد:جاتوسوا ده بقه أسبانى ومحترف فى البرتغالى

سيد:يعنى مركزه أيه

سعيد:حارس مرمى بس أيه نار وبيلم كور بين الشوطين

سيد :ما أحانا عندنا الحضرى يا عم

سعيد :مهوا الحضرى هيحترف وهيلعب رأس حربة

ونلعب على الهجمة المرتدة بقه ويبقى فى تكتيك

يا سلام لو المعلم يسمع كلامى ويجيب جلبرتو من الزمالك دى كان عمل طفرة فى الناحية اليمين

معدى صاحب القهوة رمى عليهم ميه نار
وماتوا وخلصنا من سيد وسعيد
وإن شاء الله نكمل الحلقة الجاية
مع 2 تانيين

ههههههههههههههههههههههههههههههههههههههههههههههههههههههههههههههههههههه

حلووووووووووووووووووووووووه

يسلمووووووويااحـــلى غزووووله

ثانكس يادارين لمرورك

هو لسه فيه ناس كدة

هههههههههههههههههههههههههههه اهو ياعمور
ثانكس لمرورك

» الحلقة الثالثة (اللى ملهومش فيها مع الأهلى )
» اللى ملهومش فيها مع حرب أكتوبر
» الحلقة الثانية من يوميات شاب روش طحن
» الحلقة الثالثة من يوميات شاب روش طحن
» صور تحس فيها غباء وبعضها فيها اخلاص في العمل