خدمه العملاء فى المستقبل ... جامده اخر حاجه

السلام عليكم ورحمه الله وبركاته

الموظف : نشكركم على اتصالكم , ببيتزا هَت، تحت أمرك

الزبون: ممكن أطلب؟

الموظف : ممكن تديني رقم الكردت كارد لو سمحت؟

الزبون: .... لحظة وحدة .. 6984554610

الموظف :حضرتك الأستاذ خالد و بتتصل من العنوان شارع الراحلة نانسي عجرم بمنطقة التجمع الواحد وتسعين ورقم تليفون بيتك 02119632147

الزبون : والله شي ظريف !.. ازاي عرفت كل المعلومات دي؟

أوكي .. عايز بيتزا سي فوود من فضلك

الموظف : ما أنصحش حضرتك

الزبون : ليه

الموظف: من بطاقتك الصحية قدامي انت عندك ارتفاع في ضغط الدم وارتفاع في الكوليسترول

الزبون : آه آه !!!.. ممم.. طيب بتنصحني بإيه؟

الموظف: بنصحك ببيتزا المشروم خفيفة الدسم و هتعجبك جدا

الزبون: وليه بقى واثق إنها هتعجبني !!!

الموظف : لأنك اشتريت الاسبوع الي فات كتاب من معرض الكتاب مؤخرا اسمه: ألذ المأكولات المشروم..

الزبون : ايوه ايوه.. أوكي .. طيب هات واحدة.... حجم عائلي،

الموظف: أعتقد إنك لازم تطلب وحدة تانية ... لإن العيلة عندك 6 أفراد.

الزبون : اوكي

الموظف : بس المجموع كدة700 جنيه وعندك مشكلة للأسف الشديد مش هتقدر تسدد بالفيزا لأنك مديون للبنك بمبلغ 37220.55 جنيه من أكتوبر الي فات غير القرض الي اخدته من البنك للشقة الجديدة

الزبون: طيب هسحب من المكنة القريبة من بيتي على ما توصل البيتزا

الموظف: كمان للأسف...مش هتقدر ..لأنه وفقاً للبيانات قدامي انت سحبت الحد الأقصى المسموح انهاردة

الزبون: ايييييه أه والله، طيب ابعت اللد وانا هديله كاش

الموظف: حوالي 45 دقيقة ولو مش عاوز تستنى ممكن تيجي بعربيتك الكيا البيضا الجديدة

الزبون: بتقول ايه؟؟؟؟؟

الموظف : وفقاً للبيانات الموجودة قدامي ، انت اشتريت عربية كيا جيب بيضا ، رقم اللوحة : جدو 5
الزبون : انت موظف سافل.. و وقـح.. و هبهدلك.. الـ

الموظف: عفوا يا أستاذ ...انتبه لكلامك وما تنساش أن عندك قضية بسبب أنك شتمت ضابط مرور بألفاظ نابية بتاريخ 15 أغسطس

الزبون: ...........؟

الموظف: أي خدمة تانية يا أستاذ ؟

الزبون: لا لا سلامتك بس ما تنساش البيبسي كولا المجانية.

الموظف : آسف مش هقدر أبعت لحضرتك البيبسي المجانية ...لان عادة بنقدمها للزبائن الي معندهمش سكر ... وواضح عندي انك مريض سكر

الزبون: يلعن تييييييييييييييييت ، قومي ياولية اعملي حاجة ناكلها

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

يسلمووووووو

ههههههه ايه الحلاوة دى الله عليكى يا غزوله

ميرسى بنات
الله عليكى انتى فطومه

لالالالالالالالا مش حاجة حلوة دى حاجة رخمة جدا ده ناقص يقولى لون اللبس اللى لابسه و يقولى معايا كام فى جيبى

هههههههههههههههههههههههههههههههه

ميرسى ياعمور رد جميل واللهى

» نكت جامده اخر حاجه
» انا هنا وابغى منكم خدمه صغيره ترحييييييييييييييب اقوى ما عندكم!!
» جديد صـور نينآ من مهرجآن الشوكولا في خدمه آلطفوله..
» نكت جامده مــــــــــــــــــــــــــــــــــــوت
» نكت جامده