لقاء سارة فرح على اذاعة المدينة

اليوم الساعة 10 صباحا كان في لقاء لسارة على اذاعة المدينة اف ام والبداية قدمت المذيعة سارة فرح وقالت أنو سارة عندها كل مواصفات الستار الصوت والشكل والنفسية الحلوة والهضامة والعفوية وانو كل السوريين مبسوطين وفخورين فيها وبعدين قالت المذيعة في كتير ناس كانت حابة تعرف سارة شو لابسة اليوم وكيف طالعة بدي قلكن سارة كتير طالعة حلوة ولابسة فستان طويل بتجنن وسالتها المذيعة ليش شاركتي بستار أكاديمي مو بسوبر ستار قالتلها سارة كنت صغيرة كتير لما كان سوبر ستار وبرنامج ستار اكاديمي برنامج بيقدم الشهرة الكبيرة والانتشار بسرعة وبعدين سألتها المذيعة شو شفتي بعد الأكاديمي كيف الناس استقبلتك فقالت سارة أنو انا اندهشت من كمية الناس يلي بتحبني وأني ما كنت متوقعة وكمان انصدمت من الهجوم القوي من الصحافة وشكرا كتير يلي هاجمني وفي ناس عم تكتب وتهاجم بس لمجرد الأذى لشخصية سارة وبالبداية انزعجت بس بعدين صرت اضحك وبدي قلهن انو هجومكن عليي عم يعطيني قوة وثقة ووجود قوي على الساحة الفنية وفي كتير ناس ابتدت تفهم سارة بشكل صحيح وتحبها هون قالت المذيعة صحيح في أسرار كتير صارت بالاكاديمي قالتلها اي كتير بس ما بقدر قول ولما أصرت عليها المذيعة قالتلها أنا اانظلمت من ناحية التركيز كتير على السلبيات لانو اليوميات كان اسمها يوميات ستار اكاديمي مو يوميات سارة فرح وهون قالتلها المذيعة بس يمكن لانو عفويتك وطبيعتك عملك مشاكل وركزوا عليها قالتلها سارة كتير ركزوا يعني في أشخاص كتير بالأكاديمي عندها سلبيات وبالأصل كل انسان عندو سلبيات وانا انسانة يمكن سلبياتي أكتر من ايجابياتي بس انا هيك سارة بكل سلبياتي وايجابياتي واللي بدو يحبني حبني لأنو كنت على طبيعتي واكتشفت انو عفويتي وطبيعتي مو للهزمان هاد بس للاسف انا ما بعرف كون الا هيك على طبيعتي وبعدين اتصل عدد من الاتصالات من حلب والشام وحمص وطرطوس وقالتلها المذيعة في كتير رسائل عم تطلب تغني ولا طولي على جمهورك وأنو كل سوريا معك وكمان في عالم اتصلت من السعودية وقطر وبعدين سألتها عن حسام وشو بتهدي أغنية فقالت سارة بهدي أغنية كن صديقي وهو كان اغلى انسان على قلبي بالاكاديمي واتصلت صبية وسالتها ليش كنت زعلانة باخر برايم فقالت سارة من الفستان كنت طالعة كأنو عمري 60 سنة وأنا عمري 20 سنة وهون سالتها المذيعة يعني ما عندكن حرية الاختيار فسارة قالت الأشخاص الموجودين بالاكاديمية بيعرفوا كيف بدهن يطلعونا باحلى صورة والفستان شفتو بعدين واتفاجأت انو طالع حلو وبعدين سالت المذيعة بتحبي تمثلي فقالت سارة ما بدي احكي شي هلق لأنو الصحافة رح تحكي كتير وما بدي اعطيهن فرصة ليحكوا أي شي وبعدين قالتلها أنو الفانز عرفوا انك كنتي بلبنان فقالت سارة أي كان عندي شغل وشفت اميمة وليان واشتقتلن كتير وهو ن سالتها المذيعة هل عندك عروض من شركات فقالت سارة اي في كتير عروض بس كل شي بوقتو بخبركن فيه وأنو تعودتو على مفاجأت سارة فانتظروني ولما سالتها المذيعة وصفي كل شخص بكلمة او تعليق فقالت نسمة اشتقتلها كتير وما كنت بعرف أني رح اشتقلها كتير وبحبها كتير واحمد اخي بحبو كتير وعن رولا سعد قالت هي كتير ذكية وبحبها كتير ولما سالتها شوتعليقك على نسبة التصويت وصحيح في حدى خبرك النتيجة فقالت سارة أنا مبسوطة كتير بالنسبة واتفاجات بالعالم يلي بتحبني و نحنا كنا متوقعين تفوز نسمة لانو تصويت مصر كان كتير قوي وعرفنا هالشي من تصويت كريم واحمد ونحنا ما كان يوصل النا أي خبرمن خارج الأكاديمي وسألتها المذيعة من وين جبتي ثقتك بنفسك قالتلها أنو من ماما ومن جدي الله يرحموا كان الو كتير اثر فيي وحياتي من انا وصغيرة اضطريت كون كبيرة يعني حس حالي انا وصغيرة كبيرة وبعدين سالتها المذيعة شو اكتر اغنية بتحبيها فقالت سارة أنو أغنية فيروز انا وشادي لانو حفظتها بفترة كانت حياتي كتير صعبة وكنت كتير تعبانة وهالأغنية كل ما بغنيها ببكي لهيك ما بدي غنيها هلق وبعدين وسالتها المذيعة من قدوتك بالفن فقالت صباح وام كلثوم لاني ربيت على فنهن بس أنا بدي ابني أسلوبي وشخصيتي الفنية يلي بتميزني بالساحة الفنية كمان اتصل كتير فانز وفي طالبة قالتلها انا عندي أستاذ العربي بالبيت بس والله هربت منو منشان أحضرك وناس كتير طلبت منها تغني أغاني لسوريا وقالولها أنو نحنا كتير صوتنا بس التصويت اول5 الأيام ما كان يوصل وانو ناطرين جديدها وبعدين قالت سارة انو في سفر عن قريب وبالنهاية سارة شكرت كل يلي بيحبها وقالتلهن أنو ما عمتقدر تدخل على الفيسبوك لأنو كتير هل الفترة الانترنت ضعيف وانو الفانز لايزعلوا منها هي كتير بتحبهن وقالت انا بعشق سوريا وتراب الشام وفخورة ببلدي كتير وأولاد بلدي عندي بالدنيا كلها وأسفة لبلدي اذا شي مرة زعلتكن مني بشي تصرف مو بقصدي بحبكن كتير ونشالله سوريا ترجع بلد الامن والأمان هيدا كل شي وسارررررررررة ختمت اللقاء بموال جبلي كتير حلو

شكر ا اكتير على النقل هده هي سارونة بعفويتها الدي احببنها الله يوفقها

يسلمووووو ،بالتوفيق لاحلى قمر بالشام.

حبايبي نورتو وسارررررررررررررة تستاهل كل الخير ومابتتخيلو صوتها عالاذاعة شو حلو وخيالي ورقتها كارثة وشكرررررررررررررررررا للرد

مرسي الله يخليك ياقمر شام

التصويت كان مو مظبوط لأنو الأصوات كانت ما عم توصل من سوريا أنا أكيدة
كان بدن تربح نسمة ولو بالقوة مبينة
بس سارة لح تنجح اكتر وحدة بكرا بتشوفو

شكرا كتتير يا غدير سوريا يعطيك العافية يارب

هلا بالحوت السوري منور يا خيي وشكررررا لمرورك وكرمال ساررررررررررررررة كل شي بيهون واشتقنالك بالمنتدى منور

غدير سوريا كتب:

هلا بالحوت السوري منور يا خيي وشكررررا لمرورك وكرمال ساررررررررررررررة كل شي بيهون واشتقنالك بالمنتدى منور

اول شي اهلا فيكي انتي يا غدير سوريا

تاني شي انا بنت مالي شب

وتالت شي شكرا لالك انتي

أسفة أختي الحوت منوررررررررررررررررررة معليش سامحينا عالسرعة ما بنتبه أحلى بنوتة بسوريا نوررتي ولا شكر على واجب حبيبتي والكل منورررررررررررررر