بمناسبه شم النسيم كل عام وانتم طيبين
طبعا مننا كتيييييييير بيموت فى حاجه اسمها فسيخ والبعض الاخر بيحبه بس بيخاف انه يشتريه من بره..
انا انهارده هقول لكم على طريقة حلوة اوى وسهله ومايكونش عندك اى شك وانت بتاكلى الفسيخ حتى ريحته مش بتكون منفره..
بصى ياستى انت تجيبى سمك بورى طبعا اى حجم انت تحبى فيه الفسيخ ...
اغسليه كويس اوى بماء دافىء ..بعدين تجيبى ملح وطبعا الكميه حسب الملوحه اللى تحبيها وتحطى فى خياشيم السمكه كميه كويسه كمان حوالين السمكه كأنك بتعمليها بدقيق نفس الطريقة يعنى
بعد كده هتجيبى اكياس تلاجه هتحتاجى كتير انا بعمل كل سمكتين مع بعض بحطهم فى كيس تلاجه وارش شوية ملح كمان فى الكيس واربط واجيب كمان كيس واحطهم بعكس ماحطيت الكيس الاول وهكذا حوالى 4 اكياس واخر كيس مش بربطه لا ببرشمه على النار يعنى مشى طرف الكيس المفتوح على النار هتلاقى الطرف ساح ولزق فى الطرف التانى
وطبعا كده تضمنى ان مفيش اى حاجه ممكن تدخل له وبكمل باقى السمك بنفس الطريقة لغاية ما اخلصه كله بعدين احطهم فى كيس ابيض اى كيس عندك يكون نضيف واعمل نفس حركة الاكياس بتاعت التلاجه يعنى كيس عكس كيس كل مازودتى كل ما كان افضل واخر كيس بربطه كويس وبعدين بجيب بكرة السوليتب (اللزاق)الكبيره
والفه كويس جدا يعنى مخليش ولا حته صغيره من الكيس مش عليها سوليتب
عندك علبة كبيره حطيه فيه مش عندك سيبيه فى الفرن او اى مكان وماتقلقيش خااااااااالص لا هتلاقى اى حاجه جايه نحيته ولا حتى فيه اى ريحه ونضيف وطازه كمان وكل يومين اقلبيه على الناحيه التانيه بسسس
صدقونى جربوه مره ومش هتندموا...
لو فى الصيف يابنات سبوه اسبوع ولو فى الشتا يبقى اسبوعين ودوقى احلى فسيخ
وبالهنا والشفا
موضوع: طريقه عمل الفسيخ 
الأربعاء مايو 18, 2011 5:57 pm
- احصائيات - إتصل بنا - تبرع بإعتمادات لهذا المنتدى
