حبيبي نام ياعمري
على صدري وصارحني
وفض الصمت بإحساسك
وخل الحب لي يجري
وفضفض لي بعد عمري
وعاتبني وفهمني
أنا أطري على بالك
كثر ما أنته علي تطري؟!
تعال قرب من أحضاني
ترى خدك مواعدني
يبي يلامس شغف روحي
ويقطف بوحي من شعري
تعال أنثر هنا ليلك
وخل ويلك يولعني
أنا أحبك وأبي قربك ..
ترى مني قضى صبري
أنا نبضك زهر أرضك
وأنت ؟! إيه تملكني
بنحل خصرك .. جمرة ثغرك
وزود بلونك الخمري
تتوهني..تغرقني..
ومن بردك تدثرني
وتبكي لي وتشتكي لي
وله قلبك ومن سحري
أبي دموعك مع أنفاسك
بصدق الود تحرقني
وأبي عطرك مع سحرك
وآهك بالحشا تسري
أبي همسك يبعثرني غلا،،،
ولمسك يلملمني
وأبي عيونك من عيوني
تذوب من الولع كثري
وأبي عهدك مع وعدك
وأبي كللك تسلمني
وننعم في حضن
من العالم وعن دهري
وتحييني بهلا شوقك ،،،
حلا ذوقك يشتتني
يلوعوني ويأسرني
ويملك بالغلا فكري
أبي أيدك تسافر بي
وزهر قدك يلحفني
و آهيم بعالمك عاشق
جنوني أنت .. وأنت بي تدري
تشوف الجمر بعيوني ؟!
تشوف الشوق جنني؟!
أجل تدري مثل ما أدري
بأنك حلمي يابدري
حبيبي قوم وصارحني
عن إحساسك وعلّمني
أنا أطري على بالك ؟!
كثر ما أنته علي تطري؟!
موضوع: نــــــــام على صدري 
الأربعاء فبراير 02, 2011 7:48 am
- احصائيات - إتصل بنا - تبرع بإعتمادات لهذا المنتدى
