الحلقة الثالثة (اللى ملهومش فيها مع الأهلى )

اتفقنا ان سيد وسعيد ماتوا فى الحلقة اللى فاتت

نكمل بقه مع ناصح ومتنصح الحلقة دى بعنوان

الأهلى فى كأس العالم

ناصح:تصدق يا متنصح أنا حزين جدا أن الأهلى أتغلب إمبارح

متنصح :يا عم خير هما أساسا مكنوش جاهزين يروحوا ألمانيا

ناصح: ألمانيا أيه يا إبنى

متنصح:مش كأس العالم المرة دى فى ألمانيا

ناصح:لأ يا عبيط المرة اللى فاتت كان فى ألمانيا لكن المرة دى لازم يكون فى دولة من قارة أسيا

متنصح:ومين هيا

ناصح :لسه مقلوش بس الراجح هتبقى ليبيا أو السودان

متنصح :بس يا راجل الأهلى كان يستاهل الفوز وبعيدن الجون بتاع الترجى أوفسايت وفى شبهة أنها مكنش كورنل

ناصح :أيوة بيقولوا الماتش هيتعاد

متنصح:حقيقى والله لو اتعاد لازم أروح بقه أشجع الأهلى فى ليبيا

ناصح :ليبيا مين يا عبيط

متنصح :مش الترجى ده نادى ليبيى

ناصح:مش بقولك أهيل الترجى ده جزائرى

متنصح :أه خلاص مش مشكلة

ناصح:عموما متزعلش نفسك الأهلى اكيد هيعوض فى مباراة العودة أيه يعنى خسرنا ماتش نعوض فى ال3

متنصح:هما 3 ماتشات ولا اربعة أنا سمعت انهم خمسة

ناصح :والله أهبل خمسة دى فى الدورى المحلى لكن فى الدورى الدولى 3 بس

متنصح :يا عم بالراحة عليا أنا مش فاهم كورة قوى

ناصح :بيقولوا هادى خشبة هيسيب تدريب الأهلى

متنصح :أيوة ما أنت متابع أهوه

ناصح:وعارف كمان مين اللى هييجى حسام حسن

متنصح:والله بعتم يجيبوه من الدورى السعودى

ناصح :يا عبيط من الدورى القطرى بيدرب فريق الرجاء البيضاوى

متنصح :يا رب نروح بقه كاس العالم على أيده

ناصح :يا عم دا أكيد أنا سمعت أنه ناوى يغير التكتيك الهجومى هيلعب ب 5 مدافعين و 4 مهاجمين وبلاعب واحد فى خط الوسط

ناصح:ومين اللاعب ده

متنصح :لسه مستقروش بس فى كلام انه هيبقى إبراهيم حسن الونج الشمال بتاع الزمالك هيجيبه فى النص علشان يبقى ورا وائل جمعة

متنصح :أكيد هتبقى خطة نار

متنصح :اكيد وبالذت كمان أن الكابتن حسن شحاتة هيلعب ناحية اليمين وأحمد الكأس هيقف جون وهتبقى والعة يا معلم

عارف مين اللى هيقف جون أحمد شوبير
وإكرامى هيبقى إحتياطى

ناصح:طيب أنت أيه رايك نجيب ابو تريكة من الإتحاد

متنصح :لا يا عم مش ناقصين مدافعين أحنا هنلعب على الهجمة المرتدة وعلى مصيدة التسلسل

ناصح :ياه أنا كده اتطمنت عليك يالله بينا بقى علشان نروح نتفرج على الماتش

متنصح:هوا فى ماتش النهاردة

ناصح: أيوة ماتش فى الدورى الأوربى نيوكاسل هيلاعب مانسيستر يونايتد فى النهائى بتاع الكأس

وفى كلام أن ميدو هيلعب مع نيوكاسل وكمان
أبو ركبة احتمال يلعب

متنصح:مين أبو ركبة ده

ناصح :أبو ركبة بتاع الكاميرون دا اللى بيجط أيده فى وسطه لما يجيب جون

متنصح:أه خلاص عرفته الواد القصير ده الأبيضانى

ناصح:ايوة هوا اللى شعره سايح ده يالله بينا بقه أحسن نتأخر على الأستاذ ويقفلوا الباب

متنصح :هوا الماتش فين

ناصح :أمشى بس معايا الماتش فى أستاد القاهرة انجز هنتأخر

.................................................. .......................
.................................................. ........

أيه رأيكوا حلوة ولا ندلق عليهم مية نار هما
كمان ولا نصبر عليهم الحلقة الجاية

ههههههههههههههههههههههههههههههههههههههههههههههه

لا نروووح معاهم استاذ القاهره

هههههههههههههههههههههههههههههههههههههههههههههههههههه

نصبر عليهم ونشوووف

يسلموووووووووووووووو غزوووله

لا وسعت منهم اوى

ههههههههههههههههههههههه
ثانكس ياعمور لمرورك

» الحلقة الثانية (اللى ملهومش فيها مع المنتخب الوطنى)
» اللى ملهومش فيها مع حرب أكتوبر
» الحلقة الثالثة من يوميات شاب روش طحن
» الحلقة الرابعة من يوميات شاب روش طحن
» الحلقة الثانية من يوميات شاب روش طحن