مهيس يوم النتيجه

ازيكم يا حلوين .. شوفوا معايا كده الواد ده
.................................................. ................................
مخلص امتحانات ورايق وفايق

ونايم بعد الفجر بقى ومريش نفسك ومعمر الطاسه وكله اليستا

وجيت تنام فجأه بعد ساعه من نومك

جه السيد الوالد الفاضل( ايون واخد بالك انت من الفاضل دى يعنى كله مات ومش فاضل الا هو)

وبيصحيييك

- اصحى يابنى .. انت يازفت

تروح انت قايل فى سرك

يالههههوى ياختى هو الراجل ده مستقصدنى بقى ولا ايه

- ايوه يا بابا نعم ؟

قوم عشان تجيب النتيجه

- نتيجه ؟ ليه هو احنا فى راس السنه ؟ sly.gif

- راس السنه ايه يابنى قوم قووووووم قامت قيامتك

تروح قايل فى سرك

كمان قامت قيامتك ده انت بتحبنى اوي

- طيب قايم اهو قااايم

هو اليوم بيبان من اوله اما اقوم اكلم اى حد من صحابى يجي معايا



- الو .. انت ياحيوان .. تعالى معايا نجيب النتيجه

- يا لهووووى اية ياعم قول صباح الخير صباح اللى بتغنى صباح الدين الايوبى

- طب يلا ياظريف عشان منتأخرش shh.gif





- ماما .. ماماااا .. ياحاااجه .. ياعمره .. يادى النيله عليا مبتردش ليه دى

- هاا عايز ايه يابنى

- عاتى فلوز

- مين ياخويا ؟ ايه عاتى فلوز دى كمان

- يعنى شخللي جيوبك ونفضيها عليا

- ايه الكلام اللى محتاج كتالوج ده .. فين المترجم بتاعك يابنى

يوووه ياماما هاتى فلوس ياماما

- طب متقول كده .. منصور يابنى انشاء الله

هو انا رايح اجاهد ياحاجه ده ايه الناس الغريبه دى pistols.gif





وبعد ماانت نزلت بقى ورايح تجيب النتيجه ومعاك صاحبك

وفجأه شايف كله طالع يبص لدرجاته ويعيييييييط يعيييييط

راح صاحبك قال

- اهو هو ده بقى الفأل الحسن

- فأل حسن .. طب مفيش فأل حسين .. امشى ياعم شكلنا ضايعين - طب مندور علينا sm15.gif



وفى الاخر جبت النتيجه وطلعت مليااانه كحك وساقط وحلتك بالبلاوي

ومروح البيت بقى وعامل نفسك عم سيلفستر استنونى انا جى اهو


ومامتك تقولك

- ها ياحبيبى عملت ايه فالنتيجه

- ماما عازمك على اكله كحك جامده مووت

- لابجد ؟ يبقى نجحت الف مبروك ياحبيبى icon19.gif

تروح قايل فى سرك

الوليه امى دى ست طيبه ااااااوى (ماما حلوة)

تروح قيلالك

- ورينى كده النتيجه

- طيب شوفيها اهو

- يالهوييييييي ياخراااشى تعالى شوف ابنك تعاااالى

ابنك فاااااااشل

- يوووه ياماما بضايق من الكلمه دى - بتضايق منها ؟؟

يافاشل يافاشل يافاشل







ابوك جالك بقى

- يانهار ابوك اسود .. ايه الدرجات دى يالا

- ايه يابابا اكيد فى غلط فيها ولا حاجه fie.gif

- فيها ايه ياعنيا ؟؟

- فيها فيل .. يووه اصدى فيها غلط .. بس متقولش لحد

- متقولش لحد ؟ .. طب تعلالى ياعم هيفاء وهبى



زوووو زووو وضرب من هنا ومن هنا ومن هنا





وفى النهايه اتمنى لكم سنه من غير كحك ولا بيتفور



ومستنيه الحاجه الساقعه بتعتى
بعد الامتحانات يلا بقا ذاكره مش تعملو طرش عند الساقع وتشيلو كحك زى اخينا اللى فوق دا