لغة الشباب السوريين ومعانيها

لغة الشباب السوريين ومعانيها

حبيبتي لا تهكلي همي طلعي مع رفقاتك اليوم

(ما صرلنا يومين مرافقين بكرة بتشوفي)

أنا ما دخلني عملي اللي بدك اياه

(استرجي تعملي غير اللي قلتلك عليه بقصف عمرك والله)

مالي علاقة روحي لوين ما بدك

(استرجي تطلعي من باب البيت بكسر اجرك)

تأكدت طلعتك المسا مع رفقاتك؟

(لكان لاخترع طلعة معي من تحت أضافيري و افقسلك طلعتك تضربي انت وهيك رفقه)

كأنو رفيقتك سبور كتير؟!!!!

(كلا اسبوع بدك تطلعي معها وانا بمنعك تحكي معا)

حبيبتي كانو موبايلك برن كتير

(غيري رقمك قبل ما انا غيرلك ياه او شيل رقبتك من محلها)

ورجيني شو نوع موبايلك هاد النوكيا الجديد؟؟

(حلغيلك اللوغ رقم رقم واسم اسم)

حلو لون شعرك الجديد بس الطبيعي أحلى

(الله يكسر ايديكي على هالصبغة طالعة متل الرقاصة الله لا يوفقك انت ويلي طلع معك )

أنا متقبل انو الك علاقات سابقة هاد حقك الطبيعي

(مستحيل فكر فيكي بشكل جدي ورح ضل هتك بماضيكي)

ما بعرف ليش انا مشلوش من طلعتك اليوم الصبح ما عم تفوت بمخي

(بدي اتمشكل و اخترع خناقة و انزعلك مساكي ومسا يلي خلوفك)

كانو مو أول مرة بتجي على هالمحل؟!!!!

(يخرب بيتك شو كاينة دايرة على حل شعرك قبل ما أعرفك)

كانو هالكنزة صغيرة عليكي

(بكسر ايديكي ازا بشوفك لابستيا مرة تانية)

ورجيني كأنو بنطلونك جديد

(يا ويلك ازا بتكوني نازلة عالسوق ومو قايلتيلي يا دايره)

شفتي الشب اللي مر بالسيارة السودة هاد رفيقي اللي حكيتلك عنو

(لامر ولا شي بدي اتاكد ازا كنتي عم تبصبصي عالشباب بالسيارات حتى كسرلك راسك)

كربوج رفيقي ما؟؟

(بدي شيل عيونك ازا قلتي اي)

قال رفقاتي شايفينك من كم يوم بالدبلان

(رفقاتي ما بيعرفو كيف شكلك بس بدي زلقك حتى اعرف وين عم تروحي)

الشب ما بعيبو جمالو

(بعرف حالي متل القرد بس استرجي هتيني والله لهت اهلك)

نحنا مجتمع شرقي الشب غير البنت

(أنا بعمل اللي بدي اياه وانتي بتسمعي كلمتي و بتنضبي بالبيت)

انتي ليش حاطة حواجز بيناتنا شو لسة ما وثقتي فيني؟

(تلحلحي نشفتيلي قلبي يا حـيـط واحكيلك شي كلمة حلوة يا جلطة)

خلينا نطلع نتمشى طائة روحي من المطاعم

(الدنيي آخر شهر و مفلس ما معي اخدك تتزهرمي)

ييييييي نسيت جزداني بالسيارة

(استحي على دمك حاجتي اصرف عليكي)

متخانق مع اهلي مشانك وعم نام عند رفيقي

(حطي ببالك من اليوم ورايح بدك تصرفي عليي)

أنا ما بؤمن بالفلنتاين كل يوم عندي هو عيد حب معك

(يعني ازا بدك تجيبيلي هدية جيبيلي بس لا تحلمي انا جبلك)

رفيقتي القديمة كانت حتنتحر بس قلعتا

(قلعتني و مسحت بكرامتي الارض ومتت لارجعلا)

إمي حستك قوية

(امي ما طاقتك و عم تدورلي على عروس وانا ما بتنيلا كلمة)

حبيبتي ليش كل ما بحاكيكي بتندهلك امك؟

(يقطع عمرا إمك شو قوية و شاضومة و قارحة)

انا اللي بدي اخدا بدا تكون قنوعة و عينا شبعانة

(أنا شحاد و ما معي آكل)

حبيبتي حاكيني بسرعة خلص شحن موبايلي

(طالع مع ضرب جديدة عم زبطا وحاقفل موبايلي)

انا حاسس انك متغيرة و ماعم تحسي فيني متل قبل

(أنا عم خونك وعم اتحجج لنترك)

نحنا التنين متوترين خلينا نبعد عن بعض فترة نفكر فيا منيح

(أنا مليت منك وما بدي اتركك قبل ما دور على وحدة جديدة)

ديري بالك على حالك وتاكدي اني عنجد حبيتك و مستحيل انساكي وبتمنالك كل خير

(عم طيب خاطرك بعد ما هنتك و خنتك و قلعتك)

ههههههههههههههههههههههههههههههههه
يسلمووووووووووووووو

منورة لجين

هى واضح انه مش السوريين بس كله كدة هههههههههههههههههههههههه

هو اكيد كل الشباب في الهوا سواا

يا هلا فيك

ههههههههههههههههههه يسلمووووووووووو

يا اهلا فيك

» موقع يعلم الشباب الروماااانسية >>>>هههههههه شوفوا ردود الشباب والله فضيح
» لماذا يلاحق الشباب البنات؟؟؟ ..... طلعوا مظلومين الشباب
» كلمات ومعانيها
» اسماء البلدان ومعانيها
» اسماء الحب ومعانيها