لفرق بين طريقة اكل الولاد وطريقة اكل البنات‏

الفرق بين طريقه اكل البنت والولد .............................. .

البنت:

*تغسل ايديها بميه وصابون..وتنشفها كويس اوي وده قبل الاكل طبعا.

*تمشي براحه كده وبهدوء لمكان الاكل او تساعد مامتها في رص الاكل.

*تقعد علي الترابيزه تبص للي قاعدين وما تكلش الا لما يبتدوا هما .

*تمسك المعلقه براحه وممكن تحط فوطه علي رجلها لزوم النضافه.

*تقول بصوت ناعم "بسم الله ".

*تبدأ باكل السلطه او الشربه عشان تفتح شهيتها .

*وبعدين تعد 15 حبايه رز وتاخدهم علي المعلقه.

*تمضغ الاكل براحه ومتسمعلوش اي صوت.

*وبعد اما تخلص تقريبا في اربع دقايق تحط المعلقه وتقول "الحمد لله".

*تقوم بنفس الهدوء اللي قعدت بيه وتروح عالحمام عشان تغسل ايديها وبعدين ترجع عشان تساعد مامتها في شيل الاكل.


ندخل علي الولد :

* اول ما يقول يا فتاح يا عليم ولا قبل ما يقولها يروح مشمر دراعه ومبيكنش شايف حاجه بعينه اساسا بس احساسه بيخده علي ترابيزه الاكل عدل او غالبا بيبقي بايت تحت الترابيزه عشان يلحق الليله من اولها.

*يقعد علي الترابيزه تقولش نيزك وقع من السما ولا قنبله هيروشيما ويبتدي الاكل وطبعا مفيش بسم الله الشيطان لو هيلحق ياكل معاه يدوس وهو هيقوله لا يعني .

*يخش علي الرز سلطه مين ياعم دي بيشوفها في الافلام بس وبايده كلها طبعا معالق مين اللي هتأثر لسه موصلوش الاختراع ده ...ويسيب ما بين كل صباع والتاني بتاع 5 سم عشان الكبشه تبقي محترمه .

*لو هيغمس هتبقي ليله مطينه علي اللي قاعدين معاه هيعمل اللقمه ودن قطه وتلاقيها فايته تمسي علي كل طبق موجود عالتربيزه ..من فوق وتحت يمين شمال تقولش الخطيب بيمرقص وفجأ تلاقي فتحه بقه بقت من عند تحت الودان تقريباوتدخل اللقمه عشان ترقد جوه بسلام .

*وشويه بقي ويبدا يظهر موهبته في العزف المنفرد تقولش بيتهوفن ولا مزيكا حصب الله ..شوربه (وففففففف) والنواشف (خشت خشت خشت خشت) وساعتها طبعا بيكون الشيطان نفسه اتسدت ويقوم من علي الاكلويمكن هوه اللي يقول الحمد لله كمان.

*احلي حاجه انه بيتعامل من غير ما يبص للي قاعد معاه عالتربيزه هو اصلا ميعرفش مين قاعد معاه اساسا مش فاضي الله يعينه هيقطه نفسه الراجل يعني.

*وبعد حوالي تلت تربع ساعه يصدر القرار بوقف اطلاق النار وتلاقيه قايم ولا كأنه واحد كان قافش حرامي جزم في الجامع ونازل فيه ضرب

*وقشطه بقه يخلص ويمسح ايده في اي حاجه يلاقيه قدامه هدومه بقه او مفرش الترابيزه والله ما هي هتفرق ..هو لسه يعني هيطخ مشوار لغايه الحمام ايه الافترا ده

*يقوم يخبط علي بطنه ويطلع صوت زئير الاسد (تكم قرف) وممكن يطلع نار من بقه وبعدين يبتدي يتعرف علي اللي كانوا معاه عالتربيزه عشان احتمال حد يسأله ولا حاجه


ههههههههههههههههه
عجبنى جدا بصراااااااااااحة