السلام عليكم يا جماعة ازيكو عاوزة اسال سؤال
ليه فى الفترة دى كل واحد مستعجل عايز يقول كلمة بحبك لأى حد من غير ميتأكد من إحساسه .
كل بنت ماشية مسكة فى إيديها ولد و بتقول ده صاحبى أووههه ده بيحبنى موت و أنا كمان بموت فى و مقدرش أعيش من غيره و تلائىه بيتحكم فيها تكلم ده و متكلمش ده كأنه جوزها و هى مبسوطة جدا و فى الأخر تكتشف أنه مبيحبهاش لأن الظاهرة دى ظهرت أكتر عند العيال الصغيرة تلائى العيل عنده 14/15 سنه و يقولك أنا بحب.
ليه ده بيحصل زمان مكنش فى الحاجات دى و لا حتى فى الجامعة هل ده من كتر وسائل الإعلام و لا ده فعلا تفكير الجيل ده كده لأنه لو فعلا ده السبب تبقى كارثة من كوارث الزمن و الله أعلم الجيل الى بعده هيفكر فى إيه .
أنا عايزة أعرف ردكو على سؤالى و تقولولى سبب محدد و رأيكو كمان هل أنتو موافقين و لا لأ.
مستنيه الردود واسفه لالاطاله