ليمووو الجامدة
:: عضو جديد ::
الـجنـــس : 
المُسَــاهَمَـــاتْ : 5645
العُــمـــْـــــر : 33
العَمَــــــــــلْ : طالبه
التـسْجِيلْ : 12/05/2010
النـِقَـــــــــاط : 8135
التَقْيِــيــــــم : 74
 |  موضوع: عفوا......هذا عصر دياب, مع احترامي للجميع  الثلاثاء يونيو 15, 2010 2:25 pm | |
| *-* بسم الله الرحمن الرحيم *-*
انا كتبت التوبيك ده رد على الي بيحصل واللي بيتقال عن تامر ومقرنته بعمرو
انا هدخل في الموضوع علي طول
اولاً : انا بسمع تامر حسني و مش بكرهه
انما عندي احسن عمرو دياب طبعاً
في كتير بيقولو تامر حسني عمل في 5 سنين اللي عمرو عمله ف 28 سنه !!
اولا تامر فنان جميل ومحترم
لكن الناس دي هما اللي بيخلوا صوره تامر وحشه وهما السبب في كره جمهور عمرو دياب لتامر
اولا : مين عمرو دياب ؟؟
عمرو دياب هو افضل مطرب جابته مصر في تاريخها مع حليم
عمرو دياب هو اللي عمل المزيكا اللي تامر وجيله بيغنوها دلوقتي
عمرو دياب اللي فتح للعرب باب العالميه وخلي الاجانب يعرفونا
عمرو دياب المطرب اللي اغانيه بتتاخد بره ووصل عدد اغانيه المتاخده منه بره لاكتر من 40 اغنيه
عمرو دياب اللي لا عمره غلط في حد ولا قلل من قيمه حد ولا عمره قال انا احسن واحد مع انه احسن واحد فعلا
عمرو دياب اللي بيقعد في الاستوديو بالايام والشهور عشان يعمل اغنيه تعجب جمهوره
ايه بقي الكلام اللي بتحصل والاقي واحد يقولك تامر احسن من عمرو وتامر احسن من فؤاد و , و , و
تامر فنان جميل وكويس
بس في جيله
نقارن بينه وبين حماقي وعدويه ولؤي ماشي
انما مع العمالقه
دا مش صح
تامر لازم وطبيعي يعمل جماهيريه كبيره
عندنا 100 قناه علي الدش
50 قناه اغاني
انترنت
كل حاجه تخلي اي حد يعمل جماهيريه فما بالك بمطرب موهوب
انما عمرو دياب عمل جماهيريته ومكنش فيه غير قناتنين علي التليفزيون وهو اللي عمل نفسه بنفسه من غير شركات انتاج ولا منتج شاطر زي نصر محروس
وانما بقي بخصوص السؤال اللي هو مين هو عمرو دياب ؟؟؟
انا مش هجاوب ولكن هخلي عمالقه مصر يجاوبوا عليكم وقالو عن عمرو ايه !
الموسيقي الكبير : هاني شنوده
عمرو دياب رافع راسنا وسط العالم في المزيكا مضيفا انه دخل الي ديسكوهات في اوروبا وامريكا ووجدهم يرقصونن ويغنون اغانيه
الموزع الموسيقي : فهد
عمرو هرم مصر الرابع وهو اسطوره غنائيه وهو المطرب الاول والاخير في تاريخ مصر مع عبد الحليم
الملحن : محمد رحيم
عمرو صاحب المدرسه الغنائيه الموجوده وهو وصل لمرحله جعلته خارج التقييم فلا يمكن مقارنته باي مطرب او شخص اخر فهو اعلي نجم في تاريخ مصر من حيث المبيعات والسعر والحضور الجماهيري وارقام الوزيع القياسيه للالبومات
الملحن : عمرو مصطفي
موهبه عمرو دياب اسطوريه ويكفي ان عمرو دياب يقدم قالبا موسيقيا لا تعرفه الوجوه الباهته من المطربين التي تنحصر موهبتهم في سرقه الالحان من الخارج
الكاتب العبقري : ايمن بهجت قمر
عمرو يمتلك موهبه صوت قويه للغايه ويكفي ان سمع حبيبي يا عمرو وولا علي باله لتعرف ما اقصده
وهو مطرب متمكن مما يقوله وموهوب للغايه لا ينظر لاحد ولكن ينظر لنفسه فقط فلا يقلد احد فقلده كل من بعده
الموزع الكبير : حميد الشاعري
ويا ريت نركز في كلام الراجل ده
عمرو تعب اوي في حياته فهو بدا يغني ومكنش فيه اي حاجه جاهزه ليه لمساعدته وعمل نفسه بنفسه
واعتبره صوره مشرفه للمطرب العربي خارج حدود الوطن العربي
وعمرو صوته مميز جدا وملوش اغنيه واحده وحشه من اول ما بدا
الملحن : محمد يحيي
بيقول انه عنده حكايه واحده تعرف الناس مين هو عمرو دياب
كنا في استوديو بنسجل اغاني عمرو وكان عمرو منامش من 3 ايامو مقدرش يكمل ومره واحده لوحده نام
انا شاب ومقدرش اقعد يوم كامل من غير ما انام
فكيف لنجم بحجم عمرو دياب انه يعمل كده في نفسه وكانه بيسجل اول البوم ليه
الكاتب العبقري : بهاء الدين محمد
عمرو دياب لا يقل عن حليم ابدا
بتهيالي بقي بعد الكلام اللي قاله اساتذه الفن ميجيش واحد يقولي عمرو مين وبتاع مين
وهدفي من الموضوع تحسين صوره تامر قصاد جماهير عمرو
عن طريق ان الناس هنا تعرف مين هو عمرو دياب
يارت بقى كفايه اللي بيحصل ده وكل واحد يعرف هو بيتكلم عن مين ويقارنه بالي ينسبه | |
|
- احصائيات - إتصل بنا - تبرع بإعتمادات لهذا المنتدى
