احبك مو حجي ينكال

گلي شوكت يخلص ياترف ليلك



شعلت النار بيــه وجيت أطفي النار
رجعت أنته إشعلتها تريد أضوّيلك



عشگتك لاتذلني . إحسبها زين أرجوك
ماريد آني أظل لوحدي أضحيلك



ماريد أبني لأجلك كعبة جوّه الروح
أخاف أبنيها تالي تهد عليّ فيلك



ألوليلك چنت وبگلبي أنومك دوم
ومن تبچي إصِبْعي يصير منديلك




عضيت أنته إصبعي أمسح دمعتك بيش
وگليبي كـــــســرته إبيش ألوليلك




أضحكك وأبچي لأجلك وأعطش وأرويك
وأهدم حيلي بيدي لو رگد حيلك




گتلك هاك جدمي تعينك بممشاك
لوأنطيني لشـّـتك وآني المشيلك



وأخذت جدامي أنت توصلك للريل
لكن شفتك تذبهن تحت ريلك



أحترگ گلب القطار وشفته ذبّ دخـّـان
من داس إعلى رجلي وصاح : ياويلك



سحگها گبالك وشفتك علي صديت
موخوفاً عليّ رايدني أشكيلك



لكن ماشكيت متاني بس تعود
بس أرجع . تعال . برمشي أسريلك



وأذا دمعي حرگ رمشي وبعد ميفيد
فدوّه ولايهمك عود أحبيـــــلك

موضوع جميل

و المزيد من التالق

هدى

مشكوره على مرورك الدائم على صفحاتى
تحياتى لك ضحكة[ندعوك للتسجيل في المنتدى أو التعريف بنفسك لمعاينة هذه الصورة]