اصبر ولا بين علي الناس شكـواي
وشكـوا لغيـر الله عليـه مـذ لـه
يسراي ما تدري عن همـوم يمنـاى
ويمناي ما تدري عـن الهـم كلـه
علي فراش الحزن سويـت مركـاى
وصبيت لي فنجان مـن كـل د لـه
وعلنت من كثر الهواجيس مسـراى
مسرا معـي همـأ وحزنـأ وعلـه
حفرت صحرا الياس ابحث عن الماى
ولا لقيـت المـاى كثـره وقـلـه
لو اشرب النيلين يا كبـر مضمـاى
لو نهـر دجلـه لاحشـا مـا تبلـه
تشهد جميع النـاس الرائـح الجـاى
وتشهـد شواميـخ الجبـال المطلـه
تشهد علي همى وحزنـي وبلـواى
وجرحى وتفكيـرى ودمعـأ اهلـه
من وين مارحل والشقاء دوب ويـاى
يمشى معي دائـم وظلـي بظلـه
علي فراش الحزن اعلنـت موطـاى
اطوى فـراش الحـزن دائـم وافلـه
وعلي جبال الصبر اعلنـت ملفـاى
اجمع حجر همى مـع اليـاس كلـه
حفرت سابع ارض من كثر ممشـاى
تشهـد نجومـأ بالسمـاء مستقـلـه
في مزرعة الاشواك سويت ممسـاى
واقطف عنـاقيـد القهـر والمذلـه
كل الخليج استيقظـت ليـل مغنـاى
الكـل منهـم يرتجـف فـي محلـه
يـا رحمـة الله لاترديـن دعـواى
جودى علي شخصـأ حيانـه مملـه
اقوا لكن يجرح الصمـت مشكـاى
اصمت يموت الصدق ماحـدأ يدلـه
ظلم البشراقسى من احكـام لاهـاى
والمجلس الدولي مـع الغـرب كلـه
بعيونهم شافوا مجازر هـل الـراى
بالقـدس ويقولـون مـا فيـه خلـه
اخاف من هرجه قفا تفـرح اعـداى
دائـم يحاسبنـي علـي كـل زلـه
مما جرالي قمـت اغيـر مسمـاى
اصبحت اسير الحـزن اسمـأ اشلـه