عندك حفله وما تدرين وش تسوين !! عندي حل وهذي هي بعض الخطوات

كيفكم ؟ بخير
السبب اني كتبت الموضوع هو اني حضرت كم حفله وبعدها بكم يوم سمعت ضحك مو طبيعي
على الاكل الي قدموه والاغاني الي حطوها والحضور الي جوا
فحبيت اكتب ذا الموضوع لاني صراحتا رحمت البنات الي سوء الحفله


المهم نبدا بخطوات الاساسيه للحفله ناجحه :

1: اول شيء نبدا بالعموم اذا كانت الحفله في بيتك فاحرصي على معرفه كل من ياتي لبيتك :
طيب ليش ؟ عشان ما يتضايق الحضور من بعض الحاضرات القليلات الادب
يعني انتي بتعزمين صديقتك اعرفي من بتجيب معاها عشان ما تجيب احد
ينشك في امره !!!


2: لا تعزمين العجايزلا تقولون محد يجيب عجايز
والله ما استهبل حضرت حفله وفيه عجايز وتحولت الحفله الى عزيمه
طبعا وش السبب انك ما تعزمين العجايز ؟
اول: الشيبان الله يخيلهم لنا ما يستحملون الصجه
ثانيا: الحفله ما فيها شيء اسمه تقديم يعني مافي شيء اسمه تاخذين صحن وتدورين به على الحضورلا الحضور يروح للاكل لانها حفله وكلها بنات وعادي يقومون و
يتحركون بالعربي كلهم خفيفات


3: لا تقولين ابدا للتعزمينهم (جيبوا معاكم اي احد)
طيب ليش ؟ لان ممكن يجيبون بزران لان ممكن يجيبون زي ما قلنا بنات
قليلات ادب لان ممكن يجيبون بنات لبسهم بزياده غير محتشم لان ممكن يجيبون جيش
انتي تكونين مو حاسبه حسابهم



4: لا تحطين اكل دسم او اكل عزايم زي رز ولحم رز ودجاج
لان حرام مراح احد ياكلها لانه يبغاله قعده وتفرغ لاكله
والحفله كلها رقص ومحد بيكون جالس


5: حطي اكل يناكل بسهوله وما يبغاله شوكه وسكينه ومشوره
يعني شبس حلويات سندويشات صغيره وكذا وانتبهي تحطين اكل فيه صوص
كثير لان اذا جوا البنات ياكلونه بيوصخ ملابسهم


6: اتركي مساحه كبيره للرقص والحركه !!


7: حطي طاوله كبيره او عدت طاولت منتشره ويكون مكانها واضح
وحطي عليها الاكل واذا بتحطين طاولات كثيره احرضي على ان تكون كل طاوله
يكون فيها زي الطاوله الثانيه عشان ما يصر زحمه على طاوله وحده
ولا تحسون انها مبالغ فيها لا الطاولات الي في بيتكم وزعي عليها الاكل وبس


8: حطي الاغاني الدارجه في زمن الي سويتي فيها حفلتك
والازين انها تكون بدون موسيقه عشان ما تكسبين ذنوب البنات
وعشان ما تسمع بنت غنيه جديده ما قد سمعتها الا عندك واعجبتها قامت تسمعها كل مرره
وحملتها وتصير كل ما تسمع الغنيه تكسبين ذنبها


9: اذا كنتي بتقطعين بتحطين كيكه النجاح او التخرج وتبغين تقطعينها قدام الكل
استني شوي ولا تستعجلين لين يكتمل الحضور او على الاقل ثلت ارباعه


10: طبعا الحفله ببيتك فاحرصي على نضافت بيتك وحطي زباله صغيره في كل مكان
وجنب الطاولات وحطي صحون بلاستك ملونه ومناديل
بتقولين مبالغ فيها لا عادي جمعي زبايل الي فوق في غرف والمجلس والملحق
وحطيها في مكان الحفله
وبس.


اتركم مع الاطباق الي ينفع تقديمها ولا تقولون سخيفه لا هذي الاطباق السخيفه هي الي تخلي
الحفله ممتع :


1: بطاطس شيبس ويفضل ما تخلينه بكسه تحطينه بصحن
وكا ماخلص عبيه










2: بطاطس مقلي فرنش فرايز اشتري الي يكون مقطع وجاهز وانتي م عليك الا القلي:




هذا يمديك تسوينه بالبيت ولو تبغيه صحي تقدرين تقلينه بالفرن









3: حلويات بجميع الانواع والاشكال





ومن هذي عاد اختاروا الي تبونه بس الافضل انكم تحطونها بسحن مقعر وتشيلون الكيس
الكبير عنها




4: فشار بوب كورن







5: الاشياء المقليه زي النقت و بوب بكورن الدجاج







6: سندويشات صغيره (طبعا مو شرط صغيره بس تكون متوسطه الحجم )
بانواعها شاورما, برقر, هوت دوق, لفينوا, تونه وغيرها الكثير
بس الافضل زي ما قلتلكن ما تكون مرره فيها صوص عشان
ما يوصخ ملابس البنات اذا جو يعضونها < بلشتكم ادري























7: مشروبات غازيات, عصيرات







8: كب كيك, كوكيز, مارشملو, وغيرها

شكر ا ع المرور

يعطيك العافيه