ماني بسائل مع منهـو تخونينـي
بس بسئلك من متى وأنتي تخونيني
قبل أمس كله معي للصبح سهرانه
والبارحة أذكـر ابرقـد ماتخلينـي
واليوم أشوفك معه يدك وسط يـده
وأمر قدامـك ولا كنـك تعرفينـي
وشلون! أبفهم تعالي واشرحي ليه
نسيتي لا مستحيـل إنـك نسيتـي
مامداك تنسيـن يمكنـك تناسيتـي
وأنا الذي كل ماضاقـت ذكرتينـي
العام جيتي ودمعك مغـرقٍ جيبـك
قلتي: أخذني على صدرك وغطينـي
ماكنت أخذلك اليا منـك طلبتينـي
وأنا قبل ما أطلبك وإنتي خذلتينـي
في عز ماحتجت لك في ضيقة الدنيا
جيتك أبي فزعتك لكـن طعنتينـي
للحين أكذب انا ماصار قدامي
ماني بقـادر أصـدق لا تلومينـي
حتى الشعروالقصيد اللي على خبرك
أحس عقبك أبـد ماعـاد يعنينـي
كتبت فيك الوفا والصدق والطيبـة
قصايدٍ للأسف بتطيح مـن عينـي
(من غدرالأيام جيتك كارهن نفسي)
أول قصيدة بعـد منتـي عرفتينـي
(ومحتاجلك حيل والله يقطع الحاجة)
آخر قصيدة بعـد منتـي تركتينـي
عرفتي الفرق بين الشعر والشاعـر
بس ماعرفتي وش اللي مرثعٍ فيني
إحساسي اللي ذبحني وراح يذبحني
واللي يبي يقلب الدنيا على سنينـي
الناس تسمع قصيدي فيك وتصفـق
وأنا أتذكـرك يـوم إنـك تخونينـي
آعـــجبتني وآتمنى تعــجبكم ..