اهم احداث الاسبوع الماضي

السلام عليكم و رحمة الله و بركاته,,
الاسبوع اللى فات عدي و الحمد لله بس كان مليان احداث من الجمعه للجمعه و فى احداث حصلت كلنا شوفناها و فى احداث حصلت و مرت مرور الكرام مع انها لو فكرنا شويه حنلاقى ان فى حاجات بسيطة حصلت و عدت و مخدناش بالنا منها بس انا قررت احلل بعض الاحداث اللى حصلت من وجهة نظري(و انا امثل نفسي فقط)يعنى لو فى حد مش متفق معايا مش لازم نشتم بعض و نبهدل بعض خلينا راقيين و الحمد لله لحد الان محدش دخل مواضيعى قالى كلام جارح ربنا يستر .
و دلوقتى نبدا بالتحليل يوم بيوم :
1-يوم الجمعة 19_3طبعا طنط ام شكري كانت فى البرايم و كانوا مركزين عليها كانها رئيسة الوزراء بتحضر ماتش فى المونديال (مع احترامى ليها طبعا)بس معلش من استفزازي بقول كده بس الزيارة مكنتش عادية دى زياره مدبره من الاداره و ليها اسبابها و اهم اسبابها ان طنط بشكلها الطيب و تعاملها الحلو مع الطلاب تخلينا نتعاكف مع شكري و الاداره تخلينا نتعاطف مع شكري لان طبعا الاداره اكتشفت ان شعبية شكري مقارنة بالمغربي زيرو لانهم للاسف كانوا عايزين يكررورا نفس سيناريو السنة اللى فاتت فلكرين طبعا لارا و ايه لمعت لارا على حساب ايه و حسست ايه ان لارا بتمثل مصر و ايه منبوذه الاداره لا رساله حلوة و لا هديه كويسه و سراج نومينى من اول اسبوع و الحركات المكشوفة دى بس اللى حصل السنة دى غير كل التخطيط لانهم عرفوا ان شعبية مغربى قويه فى مصر جدا و ان احنا كمصريين مش متعاطفين مع شكري برغم تسليط الاضواء عليه و قصة الحب الفاشلة مع اسما كل ده محركش فينا شعره و اللى ياكد كلاممي ان زيارة ام شكري كانت مدبره ان الاداره علشان متثيرش دهشة المتفرجين انها تجيب اخت باسل اللى مكانتش عاملة حسابها انها حتزور اخوها وهى قالت بنفسها انها اتفاجئت انهم حيسمحولها تزور اخوها و انها كانت جاية علشان لو باسل خرج من الاكاديميه يروح معاها و طبعا كان واضح من طريقة لبسها و شعرها و انها حتى مدخلتش على الطلاب بكيس برتقال يعنى من الاخر البنت مكنتش حتدخل الاكاديميه بس هما قالوا يدخلوها علشان زياره والده شكري تبان طبيعية.
2_بكاء الطلاب الهستيري اثناء زياره طنط ام شكري كان سببه الاساسي زعلهم انهم مطلعوش توب ون و ده مش كلامى ده كلام زينة اللى طول الاسبوع تبكى(و تمسح فى هدومها حد يا جماعة يقولها ان فى اختراع لونه ابيض اسمه منديل)و اعترافها لناصيف ان التوب فايف كله مش معم اهم واحد هو اللى بيكون توب ون و ده لما ناصيف قالها انتى الوحيده اللى فى التوب فايف من اول البرنامج لما بدا بس تقول لمين يا ناصيف الحقود حقود و طبعا اللي اكد لى ان الطلاب حاقدين على مغربي و كانوا مكتئبين علشان مغربي توب ون اللى كلنا شفناه فى البرايم امبارح عزوز لما كان بيقول مخنوق مش قادر اتنفس(يمكن من كتر الاكل)كل ده ليه علشان هيثم خرج اكيد لا مكنش قريب منه اصلا" ده غير غيرته من اي حد متقرب من طاهرة يبقى مكنش زعلان على هيثثم ده كان مقهور من مغربي و حاله زي حال معظم الطلاب.
3_يوم السبت 20-3 اسامة الرحبانى بصراحة تعليقاته مكررة(موظف بنك, شكلك طنط, فرخه,,,,الخ الخ) و نقد مش موضوعى و الدليل على كده مدحه الغير مبرر لاسما(يمكن معجب بييها) و نقده و احباطه لبدريه ياجماعة بدريه احلى صوت فى الاكاديمية صوتها تحفة و بتغنى بجد مع ذلك اسامة مفكرش مرة يشيد بصوتها و كمان ريان باشا اللى بيكلم اسامة بمنتهى القلاطة(طيب لو كان صوتك حلو شويه كنت عملت فينا ايه) و التانى الاهطل اسامة بيدلع في و يقوله انت شخصيتك من و انت صغير كده(على اساس انك صديق ابو ريان و لا ايه النظام) المهم ان اسامة معندوش اي مصداقية و كل ميتكلم يقولك احلي صوتين عدوا على الاكاديمية امانى و شذي على عينى و راسي بس كان فى اصوات تانية قويه زي جوزيف عطية و لا انت بنات بس يا اسامة.
4_يوم السبت برضو زياره طنط ام رحمة(امورة ماشاء الله)و طبعا طنط ام رحمة كانت حاضرة البرايم بس مجبوش الكاميرا عليها و لا مرة زى ام شكري ده معناه ايه؟؟؟ ان الاداره مكنتش عارفة ان ام رحمة موجوده فى البرايم؟؟؟ و لا ايه و انا اعتقد ان طنط ام لرحمة كانت جايه عادي تحضر البرايم بس اكتشفت ان ام شكري دخلت الاكاديمية فطلبت انها تدخل هى كمان (من حقها) و تشوف بنتها فطبعا الاداره وافقت لانهم دخلوا ام شكري و اخت باسل و امبارح دخلوا ام زينة مع انها برضوا بتحضر كل البرايمات ؟؟ السؤال هنا ليه مدخلوش الامهات كلهم مع بعض او حتى فى نفس اليوم مع انهم كلهم كانوا موجودين فى البرايم و على الاقل كانت الزياره حتتوافق مع عيد الام مش ام زينة دخلوها بعد عيد الام باسبوع و ده ياكد كلامى انهم كانوا حيدخلوا ام شكري بس لتحسين صورته بس الامهات التانيين مسكتوش و حيدخلوهوم تباعا" و الله اعلم.
5_يوم الاحد و جلسه الاس ام اس قررت الاداره اخيرا و بعد غضب الجمهور على الفايس بوك و اتهامهم للاداره بانها بتفرق بين الطلاب و مش بتبين رسايلهم لمغربى و بدريه و طاهرة قررت الاكاديمية لحد ما انها تلم نفسها لان الناس مش اغبياء و فاهمين اللعبة الغير شريفة من الاداره و انها بتلمع صوره بعض الطلاب على حساب الاخرين و شفنا ارتفاع معقول نسبيا فى مسجات بدريه و مغربي
6_الاثنين الايفال من وجهة نظري كل الطلاب كان ادائهم سيء ماعدا قلة من الطلاب(بدون ذكر اسماء)المهم شكري و تقييمه للطلاب و انه طلع بدريه نومينى و عزوز و مغربى بدريييييييه كانت من افضل الطلاب اللى قدموا الايفال من وجهة نظري و طلعت ضمن التوب فايف و هو كتبها نومينى و عزوز كان سيئ بس على الاقل كان احسن من الاسبوع اللى قبله اللى كان مطلعه ضمن احسن 3 طلاب(لو فاكرين) و مغربى غنى كويس و كان فى طلاب اسوء منه و فجاة شوفنا شكري نط ملرة واحدة و قال لالالالالا مغربي انا مكنتش كتبه نومينى انا كنت كتب طاهرة؟؟؟؟ مفهمتش المشهد ده بس استنتاجى ان الاداره شافت ردود فعل الجمهور و انتقادهم لشكري لانو طلع ابن بلده مع ان اداءه كان كويس و ده طبعا من خلال صفحة الفيس بوك الرسمية للبرنامج فقرر شكري تغيير رايه و ده طبعا لانه مش عايز مشاكل .
7-الثلاثاء التسميات لاحظنا طبعا تسمية مهدى (مع ان شكري مطلعه ضمن افضل 3 طلاب) و غضب مهدى(عنده حق بصراحة) و انه قرر ينسحب و اكتر موقف غاظنى من باسل لما كان واقف مع مهدى بيتكلم معاه و بيقنعه مينحبش و بعدين مغربي دخل عليهم و كان ماسك بيبسى لمهدى باسل اخد مهدى و بعد عنه و قال لمغربي روح شويه لرانيا انا عايز اتكلم مع مهدى.
8_الاربعاء مش فاكرة حاجة مهمة بس فاكرة رامى و تقل دمه و تكراره للكلام و استظرافه وهو بيحاول يعلم شكري يغنى عربى للاسف رامي شكله مطول معنا للفينال و لا عزاء للمشاهدين
9-يوم الاربعاء تقريبا كان الفيلم(طير انت) و طبعا شفنا فلاسفة محمود شكري محدش يتكلم محدش يعلق ممنوع ممنوع مسموح بس تضحكوا و تتنفسوا ماشى يا محمود النظام حلو بس مش اوي كده و بعد الفيلم كلم يشريكة فى التليفون و اشتكى لها من جحود الطلبة و ان مفيش حد شكره بعد الفيلم و انهم اتفرجوا و قاموا طيب المفروض يعملوا ايه يعنى و بعدين كفايه الاداره و شكرها ليك بمناسبة و بدون مناسبة طيب الغلبان مغربي ينتحر بقى لما رولا احرجته على الهوا و قالتله كفايه عليك كده و كان فى عهدك ثورة و كلام تافه كده.
10-يوم الخميس جلسة الفيس بوك و طبعا زى مقلت لكم قبل كده الاداره اتبهدلت على الفيس بوك يا جدعان انا واحده من الناس لقيتهم مرة كاتبين ياريت تحترموا الطلاب و مفيش داعلى للشتايم و الاهانات شجعوا بادب انا واحده من كتير اللى ردوا عليهم و قلتلهم احترمونا انتوا الاول و اظهروا رسايلنا لمغربى و دي لعبة فبليز العبوها بعدل و بلاش تسلطوا الضوء على بعض الطلاب و غيرهم مش بنشوفهم خالص و لا بيوصلهم رسايل بعد يومين كتبوا الاداره بتتعامل مع كل الطلاب بنفس الطريقة و بنحاول نبين للطلاب رسايل بالتساوي و ياريت تحترمونا اكتر من كده و طبعا فى جلسه الفيس بوك كان واضح انهم كل طالب خصصوله رسايل و تعليقات على صورته و اكتر رساله عجبتنى لما قالوا لاسما انتى عملع عمليات تجميل و لما قالوا لشكري انت لايق على ميرال و انت بتفهموا بعض و ده طبعا لان الاداره لاحظت كره الجمهور لاسما فقررت تبعدها عن محمود و يحطوا ميرال يمكن الصوره تتحسن (من اسما لميرال يا قلبى لاتحزن) الملخص يعنى ان زي مبنقول فى مصر العيار اللي ميصيبش يدوش.
11_البرايم امبارح كان كويس و مغربي فى اول اغنيه ظهر بشكل جديد لما نشوف راي اسامة ,بدريه كانت اكثر من رائعة عزوز كنت بعلق على بعض المواضيع لما كان بيغنى و ده من كتر النشاز لا و الطلاب بيقولوا روعة؟؟ حد بيفهم فى الموسيقى يقولنا ده كان روعه, طاهرة ادت اداء جيد برغم خوفها, رانيا معجبتنيش, ريان و رامى(عادى يمكن علشان انا مش بحبهم)شكري عجبنى التابلوه(بس فى ناس كتير بتقول نشز و الاغنيه غلط )معرفش الاغنية علشان احكم,ناصيف كان رائع, اعذرونى باقى الاغانى مكنتش مركزة لان لطيفة امبارح صدمتنى كانت غريبة شكل و اداء,مهدى كان كويس خساره خروجه .
12_تصويت اسما لرانيا اصابنى باذهول و كمان حصولها على التوب ون و اختيارها تطلع مع رحمة و لرمضان و بعد كده لما رجعت الاكاديمية قررت تطلب من الكنترول انها تسافر مع محمود اي حته (عايزة تستفرض بالولد) لما نشوف حيعملوا ايه
اخر حاجة اسفة للتطويل و ياريت الجزائريين و المصريين ميحصلش مشاكل بينهم مهدى و مغربي اخوات و بالنسبة ان مغربي قال رانيا بصوت عالى لان محمد مبيحسبش كلامه و مش بيعرف يذوق الكلام فتصرف بتلقائية بس مش حننكر ان الجزائريين من حقهم يزعلوا لان مهدى الجزائري الوحيد و رولا طلعته برغم انه موهوب(الموضوع فبه سر)بس احنا اخوات و الحمد لله قدرنا نحل مشاكلنا ياريت منرجعش للمشاكل تانى
الكاتب : sarah911

مشكوررررررررررر على الموضوع الاكثر من رائع والتحليل حقيقى عجبنى وصحيح جدا فى حاجات كتير متوافقه مع رائى .

وبالنسبه لخروج مهدى انا زعلت جدا بجد لانه شخص طيب جدا ومحترم وكان نفسى يبقى للاخر فى البرنامج لانه موهوب وصوته حلو جدا ربنا يوفقه ومحمد على بيحبه جدا بس رانيا بنت بلده مكنش ينفع انه ميختارهاش وياريت محدش يزعل منه لانه بجد شخص طيب ورقيق اسفه للاطاله.

ثااااااااااااااااااااااااااااانكس عاشق موضوع صح
لاتحرمناااا مواضيعك

شكرا على الموضوع

شكراااااااااااااااااااااااااااااااااااااااااااااااااااااااااااااااااااااااااااااااااااااااا على الموضوع بجد موضوع روووووووعه وانا بجد من اكتر الناس اللى مقهورين ان مهدى طلع من الستار بس ربنا يوفقهويبقى احلى ستااااااااااااااااااااااااااار

موضوع ممتاز وفي الصميم
واضح رولا ناوية تخلي رامي أو ريان للنهاية لأننا من أيام الموسم الثالث تعودنا إنه لازم لبناني واحد يقعد للنهاية ولا يتسمى نومينيه حتى لو كان شخص دمه ثقيل وصوته أقل من عادي ونشاز زي ميشيل وكارلو

نايس موضووووووووع