كيف تصبح مواطنا اردنيا

>.ExternalClass #EC_yiv1900695711 .EC_ExternalClass .EC_EC_hmmessage P{padding:0px;}.ExternalClass #EC_yiv1900695711 .EC_ExternalClass body.EC_EC_hmmessage{font-size:10pt;font-family:Verdana;}
كيف تصبح مواطنا أردنيا

....
بداية وحتى تصبح مواطنا أردنيا يجب عليك إتقان الكشرة الأردنية
فهذا من أهم ما يميز الإنسان الأردني عن الإنسان العادي!
البوز الملوي … والحواجب المعقودة …. وإذا نظر إليك أحدهم فقل له بكل استعلاء:
(أبو الشباب ... ليش بتجِح بخلقتي ...شو مضيع بوجهي شلن؟)
هكذا تكون قد قطعت شوطا كبيرا نحو الاردنة
تابعا للنقطة السابقة .. فلتسير على مبدأ اللي بيطلع عليك بعين .. اطلع عليه بنص عين
يعني نظرة انقرافية بحته ...أي بالكلمات الأردنية:
(كلك على بعضك مش شايفك)

تعلم فن التعصيب ... وأقل كلمه إتطلع زيفك (عصبيتك)عصب وصيح وبزق وانت بتحكي
على شرطي المرور .. على الكونترول ... على سايق التاكسى المهم تتهاوش هوشه يوميه
وتحرق وراها بوكيت (باكيت) دخان

المواطن الأردني إنسان كالصخر خارق للمنطق والعادة ... ولا يخضع لأي عمليات حسابيه
نضرب مثال..
المواطن الأردني العادي بدفع ايجار بيت 150 دينار
كهرباء وميه حوالي 20 دينار
عنده سياره قسطها الشهري 100 دينار
وترخيص على بنزين على زيت .... قول يعني تقريبا بالشهر 150
دخان بمعدل باكيت باليوم (وهذا مش مدخن ... بيعفط تعفيط) بس 50 دينار شهري
احكي 150كمان أكل وشرب
وحوالي 30 بالشهر بطاقات شحن (إذا ما كان حبيب (شدة على الباء الأولى ).. اما اذا كان بحب) بده 100 دينار
50 اله و 50 لحبيبته... ليش هي بتتنازل تشحن لحالها
(حبيت تحكي اشحنلي ..... ما حبيت فيه غيرك كتييير حبيبي )
صار المبلغ 650 تقريبا وهو كل راتبه 250 دينار ...
كيف بتزبط معه ؟؟؟ الله اعلم !!!
والاهم
حتى تصبح مواطن أردني يجب ان يكون
لديك
او امتلكت في يوم ما
أو تحلم بأن تمتلك احدى السيارات التاليه:
كيا سيفيا
هونداي اكسنت
زعرا (والمقصود bmw 320)
نيسان سني (حصريا للتكاسي)
لف (والمقصود مرسيدس 200 موديل 82 وحتى 85)
او 180 (المقصود مرسيدس موديل الستينات) ... وانتا بتلفها براحتك

المواطن الاردني مواطن يحب المظاهر
يعني اذا لم يكن معك ولا قرش يجب أن تتعلم فن العرط
(العرط : هو الكذب والإدعاء بأنك مليونير) 'فشرت عينك طبعا'
أي أن تجلس مع الشباب وتوهمهم أنك ولدت وفي فمك ملعقة ذهب
مع ان الواقع هي انك ولدت وفي ثمك ملعقة *** (كلمة مشفرة!!) بعيدن عنكو
ببساطة مارس فن التشبير وعلق الهامر على جنبك
وفضي بكيت الفيلادلفيا ببكيت مارلبورو (

حتى تكون مواطن اردني
يجب أن يكون أحد أقرباءك من مواليد الف وتسعميه وتنكه
له سن ذهب

حتى تكون مواطن اردني يجب أن يكون جدك قد امتلك نصف الشميساني أو عبدون في يوم من الايام .. وباعها بميتين ليره

حتى تكون مواطن اردني
عليك أن تكون دِيقر .. تعلم المداقره
واحد دق عليك الباب احكيله مين ؟
بس يحكيلك انا فلان ... قوله ع طول: لا مش انت
المهم تداقر شوي على أي موضوع
حتى لو كنت عارف حالك غلطان

حتى تكون مواطن اردني
يجب أن يكون لك واسطه في كل دائرة حكومية
قرابه او نسب او صحبه او ابن عم خالة جدها لمرت جار اخوك
المهم تمشي حالك .

حتى تكون مواطن اردني
تعلم فن التقسيط ..
موبايل اقساط
سيارة اقساط
اثاث بيت اقساط
جرابات اقساط ..
لازم يصفي من راتبك كل شهر 13 ليره لانه الباقي اقساط!!!
وتعلم ان تجد كفيلا يكون (خروف)
(الكفيل الخروف: يعني كفيل أهبل يدغ عنك الاقساط التي تتهرب من دفعها)
علشان يخصمو عليه هو ويخفف عليك شوي من اقساطك !!!
الان

مبروك ... أنت أردني !!!

هههههههههههههههههههااااااااااااااي

لالا اردني اردني ولك دلوعه والله ما عرفتك يعني بشكل او بأخر انا صحيح بالاردن بس مو اردنيه

*فلسطينيه* وافتخر

بس بردو الاردن بلدي وانا عايشه فيها بس شوهتي سمعة الاردنيه يا بنت

ثاااااانكي يا ئمر

ههههههههه حياتي والله اخدتها من ايميلي
نور الاردن بوجودك لموش
الاردن وفلسطين واحد مش بتفرء
انشاء الله سمعة الاردن بيضة
منورة يا عسل[i]

[ندعوك للتسجيل في المنتدى أو التعريف بنفسك لمعاينة هذه الصورة]
ان لم اكن مصريا لودت ان اكون مصريا
بس الاردنيين مش كدة ها

اوكي
بس شفتها بايميلي ودحكتني وحبيت انقلها

» كيف تصبح القذافى
» كيف تصبح فاشلا
» عندما تصبح الحياة حبا
» عندما تصبح غريبا في قلب من تحب
» كيف تصبح من افضل عباد الله